Наступным пунктам насычанай праграмы для дзяцей, якія адпачываюць у санаторыі “Баравічок” на Дзятлаўшчыне, стала экскурсія ў райцэнтр на ТАА “Ізакам” і “Ізакам Пласт”.
Для юных гасцей і іх педагогаў правялі інструктаж па тэхніцы бяспекі, выдалі каскі і запрасілі пазнаёміцца з тым, як наладжана вытворчасць поліэтыленавых водаправодных труб, запатрабаваных у Беларусі і далёка за яе межамі.
Правёў экскурсію і адказаў на пытанні школьнікаў дырэктар ТАА “Ізакам Пласт” Сяргей Голуб. Дзяцей цікавіла, як вырабляецца прадукцыя, працуюць вытворчыя лініі, калі адпачываюць работнікі, ці ёсць пастаўкі труб на іх малую радзіму.
На памяць аб сустрэчы юныя госці прадпрыемства атрымалі ў падарунак фірменную прадукцыю прадпрыемства і пачастункі.
По материалам: diatlovonews.by